هو يعنى ايه متدين ؟

هو  يعنى ايه متدين ؟ الكلمة دى انتشرت تقريباً فى اخر  15 سنة فى مصر .اما بنشوف شخص بيصلى او ملتحى او مش بيسلم على بنات مثلا بتقول عليه متدين او بتاع ربنا.تمام اوى و ده شى كويس بس هو يعنى ايه اصلا المصطلح ده ,يعنى هو اى حد بيصلى قدامى و ملتحى يبقى هو متدين و انا معرفش ربنا .طب ما انا معرفش النوايا و الله اعلم بيها ممكن يكون بيصلى قدامى بس بيخون مراته مثلا او ملتحى بس ابن عاق بأهله.بس ده برضة مش معناه انى بقول ان كل الناس الملتحين او الملتزمين فى الصلاة انهم منافقين ,بس كل الحكاية ان مينفعش انى اطلق مصطلح عام زى (ده بيعرف ربنا ) على شخص معبن لان ده معناه ان احنا كلنا كفره و منعرفش ربنا. فانا  شايفة ان احنا كلنا متدينين بس بنسب مختلفة يعنى مثلا لو حسبنها بالنسبة المئوية فممكن نلاقى شخص متدين بنسبة 20% و فيه 50% و فيه برضو 90% لكن بصراحة انا عمرى ما شفت حد متدين بنسبة 100% غير طبعاً الناس العظيمة اللى بتشوف نفسها محصلتش و انها داخلة الجنة فدول بالنسبة لى متدينين 100% فعلا بس من غير الصفرين دول .خلاصة القول بلاش تبروز حد فى خانة الدين مش عشان الدين وحش بس عشان النفس البشرية هى اللى وحشة و ممكن تستغل الدين لأهوائها .

متخلف ولا مختلف؟

من وجهة نظرى الشعب المصرى ده بسيط لدرجة التعقيد يعنى ممكن تقول عليه السهل الممتنع. لان فيه كل الصفات و عكسها فى نفس الوقت ,اكتر شعب ممكن يستحمل الفساد و الظلم و يفضل صابر و ساكت لدرجة الغلبُ بس يوم ما يثور و يقرر ينتفض مفيش حاجة تقدر توقفه لا رصاص و لا قوة خارجية مدعية للسلام و لا لغيرها .و الدليل على ده ثوراته و انتفضاته من بدايه مقاومة الحملة الفرنسية لوقتنا هذا. شعب بيصنع من المأساة نكتة بس فى نفس الوقت عاطفى و ممكن يقلبها دراما كوين فى ثانية .متدين طول رمضان حشاش يوم الوقفة بس هو عامةً شعب متدين بطبعة او بيحاول يبقى .ميقدرش يعيش من غير الفن و الكورة بس فى نفس الوقت بيعترهم هيافة و تفاهة .بينو و بين نفسه عارف قيمة الست كويس وانو من غيرها ولا حاجة انما  بيفضل يهينها و يحتقرها.عندة كرامة و اعتزاز بالنفس عالية بس ساعات كدة (و احياناً الساعات دى بتبقى سنين) بيحب يذل نفسة و يلحس الجزم عشان اكل عيشه و عشان الليلة تعدى من غير خساير.مخترع عظيم بس معندوش وفرة فى الامكانيات .عندة العادات و التقاليد اهم من الحلال و الحرام. يشتم ليل نهار فى بلدة بس اى حد من برة يقول عليها حاجة بيقلب اسد فجأة .عشان كدة زى ما قلت هو سهل ممتنع انك تفهمة و كل الصفات اللى قلتها دى مقصدوش بيها ولا ذم ولا شكر انما هى مجرد وصف لطبيعة شعب يشوفه كل يوم فى اماكن مختلقة و كل الشعب مشتركين في اغلب الصفات دى رغم اختلاف الطبقات و المستوىات. بس برغم تناقض الشعب ده و ان فىه كل العبر انا شايفة ان لو الشعب ده اخد فرصة تعليم صح و قضى على الجهل اللى عندة ده هيبهر العالم بانجازات رهيبة.اصل تخيل كدة برغم الجهل اللى عندنا ده و عملنا ثورتين فى متتالين (لو شايف ان الثورة التانية انقلاب وكدة فبراحتك يا عم كل واحد حر فى رأيه)و كل يوم بيموت لنا شهيد و برضة مكملين فتخيل بقى لو كنا متعلمين و مثقفين كنا عملنا ايه؟ 

حدوتة الدم

                                                                                بدات بواحد حارب الظلم لوحدة و اللى حوليه جاننوه حاولوا يكتموه معرفوش فضربوه لحد ما مات و كاتمو على قتله بلفافه عشان يشوهوه بعد مماته و توالت السنين و ظهر منه كتير منتشرين فى المياديين مستعدين لتقديم اكتر من اللى فات عشان يجيبوله حقه و حق اللى زيه كتير راحو فى حوادث و فى معتقلات و اهانات ملهاش مثيل و لا فى الحواديت .قعدوا و صبروا و اللى منهم اتقتل من نفس الكلاب اللى قتلوا صاحبنا الاولانى لحد ما فى الاخر الكلاب قلبت قطط واستجابت لكل صوت كان بيطالب بالحرية و احنا بسرعة فرحنا و افتكرنا ان التورتة بقت بتعتنا لكن يدوب عدى كام شهر و ظهرلنا كلاب تانية بس على شكل عسكرى و بدل ما تقتل عدونا قتلت اهلها فى الميدادين و فى الاستاد قتلت طفل كان مليان حماس ملوش دعوة بأى سياسات او انتماءات و فضلت سلسلة الدم مستمرة و تعتيم و تطبيل شغال من كل اتجاهات و ست تتعرى و راجل يداس و كأن شياً لم يكن لحد ما جه وقت الخلاص-زى ما كنا فاكرينوا –وبدأنا نختار اللى يحكمنا و ينصرنا برغم اننا اتحطنا فى خيار ما بيت راجل ظالم مكشوف وراجل عامل للدين حامى و راعى ,بس اخترنا ابو وش طيب و متدين و افتكرناه انو خلاص هيخلصنا من الظلم و ان حقوق اللى راحوا هتيجى انما اللى حصل ان اللى راحوا استقبلوا غيرهم فى الجنة من مختلف الاعمار و المهن من صحفى لطالب لطفل راجع من مدرستة و غيرهم.. غير طبعاً اصوات تكفير جنب التعتيم و التطبيل نفس الاسلوب بس الوشوش بتتغير.لحد ما وصلنا ليومنا هذا الى حق فيه اختلط بالباطل مفيش حد متاكد من حاجة و لا حد عارف الصح كل اللى انا متأكدة منو بس ان اخ بيقتل اخو عشان ده فاكر ده كافر و التانى فاكر ده ارهابى . و يستمر مسلسل الدم و محدش عارف اخر حلقة فية هتبقى امتى !!

العرب مش جرب

الشعب المصرى او الشعوب العربيه عامة بتكرة نفسها دايماً معندهاش أى ثقة فى قدراتها و انها تقدر توصل للأحسن حتى ان لو فى فرد فى مجتمعنا دايماً بنحاول نظهره انو فاشل او ملحد او مجنون ليه معرفش؟! حتى لما  نفتكر امجاد العرب زمان يطلعلك واحد يقولك يا عم بتوع زمان دول خالص خلصوا, ليه حضرتك هو مش كان بنى ادم زيى وزيك و لا كان بيشربوا زمان اكسير القوة مثلا كل الفرق اللى بينو و بينك انو كان عنده ايمان تام فى ربه و اصله العربى و مكنش بيحاول يتمسح بأى حاجة جايه من بره عشان يبقى شيك ولا ابن ناس.                                                                                                      مثال بسيط الارقام العربية اللى حضرتك دلوقتى بتستعر منها و بتخليها بالانجليزى دى اصلاً كانت هى الاساس للغرب لأن العرب هما اول من عرفوا الترقيم و مش الترقيم بس طبعاً علوم تانية كتير اوى  زى الجبر و الطب و غيرهم .انا مش جاية عشان استعرض معلومات و لا اقول كلام انشا و لا اعيش على الماضى بس حتى لو احنا صعب نرجع مجد الماضى (و ان شاء الله هنرجعه) على الاقل افتخر بأصلك العربى ممكن يكون بحاجات بسيطة                                                                                حاول مثلاً تكتب بالعربى بدل الفرانكو, هو هيبقى صعب فى الاول و انا نفسى لسه بحاول بس صدقنى ليها معنى كبير اوى لو حد اجنبى شاف تعليقات المصريين على اى موقع تواصل اجتماعى بلغة تانية او بحروف اجنبىة بيأكد قدام العالم ان احنا بنستعر من اصلنا ,حد يستعر من اصل اشرف الخلق سيدنا محمد (ص)!                                                                     حاجة كمان لو انت فظيع فى اى لغة تانية غير العربى متتكلمش عشان تتمنظر بيها قدام الناس لغتنا مش ناقصها حاجة عشان نغيرها.                                                                                                                                                                 دى كلها حاجات بسيطة بس ممكن بيقى سبب لتقدمنا فى المستقبل لان الايمان بالفكرة هو اول خطوة ,امال ازاى عايزين نحرر فلسطين و احنا بنستعر من نفسنا اصلا!                                                                                                          فأرجوك خليك فخور بأنك عربى لاننا نستاهل ان احنا نفخر بنفسنا حنى لو الحكام بيعملو حاجات غلط فالشعوب ملهاش دعوة.

انا مختلف ..اذن انا موجود

                                                                          من الحاجات السلبية اللى ممكن تكون الثورة شالت الغطاء من عليها مش هقول انها السبب فيها لانى من المؤمنين بالثورة و هفضل ,ان احنا عنصريين او بشكل اشيك شوية مش بنعترف بثقافة الاختلاف و ده طبعا باين جدا دلوقتى و ظاهر على الساحة السياسة انت دلوقتى اما تيجى تعرف نفسك تقول انا مصرى ليبرالى/ اخوانى/سلفى ...و هكذا .بس ده كان موجود والله زمان بس مكونش واخدين بالنا يعنى مش قبل الثورة كان فية مسلمين و مسحيين ولا ده ظهر فجأة! و كان فى عنصرية مولودة جونا بردة ,سيبك من صورة القسيس و الشيخ اللى مسكين ايد بعض دول و الجو الرخيص ده لان كان كل طرف مؤمن بفكرة جواه عن تانى و معممها و مش هطول فى النقطة دى كتير لاحسن حد يبفتكرنى بعمل فتنة .!نروح لحوار لذيذ كدة بيدور من زمان كل يوم تقريبا فى الشارع المصريين.. "شايف اللى بت الصايعة دى " "يا عم حرام عليك دى شكلها بنت ناس " "بنت ناس ايه يا عم  مش شايفها ماشية كاشفة شعرها دى تلاقيها من بتوع مامى وبابى لارج" ...ايه رأيكوا فى الحوار العنصرى الجميل ده مش ده كان بيحصل و مازال محجبة و مش محجبة و طالما بقى انك مش محجبة يبقى انت بت شمال و بابا مركب اريال و تستهلى الحرق ..منين جت الافتراضات دى معرفش ! فى النهاية الحجاب ده فرض و حاجة انا بقدمها لربنا و مش حضرتك االى هتحسابنى و الحجاب مش بيين انا اهلى عاملين ازاى و لا اخلاقى شكلها ايه الان زى ما المثل بيقول(تعرف فلان ؟ اه ,عاشرتة؟ لا ,يبقى متعرفوش) يبقى مش حقك تحكم عليا بشكلى او مظهرى نفس الحكاية مع الرجل الملتحى قبل الثورة كنا نقول ده ارهابى و متشدد بعد الثورة(......................دى بس مجموعة بسيطة من الشتايم :D).حاجة اخيرة ممكن ميكونش حد اخد باله منها  ادبى و علمى فاكرينها ؟بتاعة ثانوية عامة ايوة,كان دايما اللى يخش ادبى العيال الواقعة الفشلة(اللى انا منهم و افتخر:D( و كلهم بيتلموا على جراج الكليات (اللى هى تجارة) ده على اساس ان كل اللى بيدخلوا علمى بيطلعوا احمد زويل .ما كلنا يا فندم بنتلم و ناخد بعضينا و نعقد على القهوة عادى..فى الاخر كل مهنة فى المجتمع ليها اهميتها مينفعش مثلا نصحى من النوم نلاقى كل البلد بقوا دكاترة طب و بعدين مين اللى هيعيى :D  حتى لو اللى قدامك مش معترف بيك انك مهم خليك واثق فى ربك اولا و فى نفسك ثانيا و انا ممكن اكون مثل بسيط لما دخلت اداب اينجلش كل عايلتى قالت اداب ايه دى ملهاش مستقبل و ممكن تاخدى كورس انجليزى و خلاص (لكن لو كنت دخلت السن كانوا فرحوا لانها من كليات القمة مع ان الدراسة هى هى تقريبا!!) بس الكلية دى انا كنت حبها لانى  مقتنعة بالادب و الفن انهم هما الترمومتر اللى بيحدد ثقافة المجتمع .ومتنسوش ان زى ما زويل خد نوبل نجيب محفوظ برده خدها.                                                                ففى النهاية اعمل اللى انت عاوزوا و خليك زى ما انت عايز .. كلُ اللى يعجبك و البس اللى يعجبك بردو و افتكر ..انا مختلف ..اذن انا موجود J

جعلونى امرأة

                                     جعلونى امرأة                                                                                      فى افلام كتير اوى اتعملت عن فكرة التبديل يعنى مثلا لو راجل صحى من النوم لاقى نفسه ست او العكس بس معظمهم اتكلموا عن الوضوع بشكل ساخر و كوميدى فتعالوا كدة نتخيل نفس الفكرة بس بشكل تانى واقعى شوية .تخيل كدة حضرتك لو صحيت من نومك و المفروض بقى انك تلبس بس انت مش هتلبس اللى يرضيك انت هتلبس اللى يرضى الشارع او بمعنى تانى اللى ميلفتش الانظار و لازم بقى تخلى بالك ان نظر عن نظر يفرق يعنى فيه نظر يغريه البنطلون فيه نظر تانى يعجبه الskirt  لحد ما وصلت للنقاب اه و الله ,فشوف بقى حضرتك بعد الصراع النفسى ده هتلبس ايه .نيجى بقى بعد فقرة اللبس دى نروح لأرض الملعب ...الشارع ,حاول على اد ما تقدر تكون سريع الخطوة مش عشان تلحق حاجة معينة ده بس عشان تتحاشى النظرات و الالفاظ و حتى كمان اللمسات .نقول بقى انك بعد  المغامرة الطويلة دى وصلت كليتك, بص بقى يا سيدى مطلوب منك متضحكش بصوت عالى احسن تتفهم غلط بس برضو متبقاش مبوز اوى يا اخى لحسن يقولوا عليك دمك تقيل و اوعى تكلم زمايلك بطريقة مبالغة لحسن سمعتك تبوظ حاول بس تكون معاهم عادى عشان ميتقلش عليك معقد ,مممم كده ناقص ايه اعتقد كدة كفاية اوى عشان تكون فتاة مثالية فى الجامعة و الناس يقولوا عليك مؤدب بس اوعى تنسى بعد ما تخلص محاضراتك ترجع على طول على البيت لا تروح يمين و لا شمال و طبعا الخطوات اللى قلنا عليها فى الشارع هى هى عشان ترجع بيتك سليم ان شاء الله .              ها عجبتك الرحلة يا استاذ بتاعت تبديل الادوار دى حلوة صح؟ و الله دى احسن من اى فيلم اكشن ده مخرجيين هولييود لو شافوه اللى البنات بيعملوه عشان يرجعوه بيوتهم سالمين هيعتزلوه المهنة J .حاجة اخيرة احب اقولها ان المرأة فى مجتمعى بتلعن كل يوم اليوم اللى اتولدت فيه انثى !

مش عايزة مساواة ,عايزة حقوق!

انا عمرى ما فكرت قبل كدة انى اكتب حاجة  عن المراة او انى اصلا افكر  فى فكرة حقوق المراة و المساواة مع الرجل و الجو ده.بس من ساعة تقريبا ما دخلت الجامعة و انا فعلا اتأكدت ان المرأة المصرية او العربية عموما مظلومة فى مجتمعها .هى مش فكرة مساواة مع الرجل خالص لان معروف ان فى النهاية الرجل راجل وله حقوقه وواجباته و الست ست و ليها حقوقها وواجبتها لكن الفكرة ان اصلا الست مبقاش عندها حقوق بقى عليها واجبات بس و بقى واحدة واحدة واجبات الراجل بتتنقل للست .يعنى مثلا ممكن تلاقى راجل مش يبشتغل و مراته هى اللى بتصرف على البيت لا و كمان لازم متقولش و لا حتى لاهلها عشان كدة هتكون قليلة الاصل و متربتش.طيب مثل تانى لما اى ست تكون راجعة من شغلها بليل او بنت راجعة من درس تلاقى بقى القيل و القال دايما حولها و ازاى ابوها او جوزها سيبنها كده على حل شعرها*بالمناسبة يعنى ايه حل شعرها* , و انها مش متربية و محدش علمها الأصول!! حضرتك الست مش محتاجة حد يعلمها الاصول اللى انت بيتكلم عليها دى لانها هى اللى بتزرع فى ولادك الصح و الغلط و اللى برده امك و انت صغير زرعته فيك و لا حضرتك كائن تانى غيرنا!! عموما هى الست فى المجتمع المريض متهانة من زمان و ابقوا ارجعوا لحادثة الافك و ما شيع حول اطهر النساء و ام المومنين السيدة عائشة من افواه المنافقين ..  فالمراة فى مجتمعنا ولدتُ حتى تموت بمرض الظلم!

The country of the glass

"Look at these pictures ,I used to live at this country when I was at your age ,It is called the Country of the glass because as you see everything in this country was made of glass ".by these words my Grandfather started               his fantasy story as I consider it ,he was trying to convince me that he was truly living in a country where every thing were actually made of glass .WHAT A NONSENCE GRAND PA!!                                                      He continues "well I see you so amazed so what will you say if I have told you that every house in that country was like a glass boat but instead of the fish people were living and to avoid listening or knowing any news they put  a thick curtain ".                                                                   "My sweet grand pa it seems that you forgot that I'm now 15 years old not 5 there is a huge difference even If I was 5 ,I would not believe your stupid story".                     I think that I have made a mistake by my respond , my tough  words made his color turns to red and shouts at me uttering "you are such a trifle kid, I'm not a liar all my words are true  and all your generation is  despicable because we does not know what your grandparents have done when we were at your age ,we have fight our fear after living 30 years wearing masks to hide our real feelings and persuade ourselves before the tyranny governors that we are fine and that we are having happy life. we were forced to live in those glass houses to be isolated  from the outside life ,they prevent us even from helping each other or to rescue a victim my saying the right word ."                                                                      At that time  ,I felt guilty towards my grand father not because  I was convinced but I saw his real suffering in his eyes .                                                                                 "My sweet grand pa I'm sorry if I made u angry I did not mean it but my curious cannot stop to ask why you were living at glass why not houses made of concrete or rocks to be truly isolated as you said."                           "Good question my boy , living In a glass house is  more Humiliating,  they made you see everything but you cannot  talk or react because you are being watched all the time . but these did not continue for so long ,the time had came to get rid from our glass prison . On 25^th of January 2011 all the people shout with all their force to  break this glass and earn back their freedom." "And did you succeed ?"  "yes, we have, even people who were still afraid we broke their glass by rocks and blocks from Tahrir  square "                                                                                                                                       "I confess that it's an interesting story even it was real or fake but I enjoyed it ,and I have a last question ,were not you forced again to rebuild the glass house and live in it.??  "yes, my smart boy after our screaming compact some futile parties tried to imprison us again but we were learned enough our lesson and the nation who taste freedom cannot be disadvantaged again from it anymore."                                

 

                                   

فى بيتنا ملاك :)

تخيل كده لو فيه فى حياتك ملاك! ممكن يعملك ايه؟ و ازاى ممكن يغير لك حياتك 180 درجة للاحسن . يعنى مثلا تنزل من بيتك و انت سيبه خرابة لبسك مرمى فى كل حتة الارض مش نظيفة من الاخر كده مزبلة و ترجع بقى تلاقى كل حاجة اتوضبت و بقت زى الفل و الملاك ده مش بيعمل كده عشان مستنى منك حاجة ده هو بس بيحبك بيبقى هيموت من قلقه لو اتأخرت علية او مبتدردش عليه , دايما بيدافع عنك لو حد اتكلم عنك وحش حتى لو انت مطلع عينه,بيجبلك اللى انت عايزه و يعملك كل حاجة انت عايزها حتى لو مقلتش كلمة شكرا كفايه انو بيشوف فرحتك فى عينيك هى دى اللى بتفرحة و بتنسيه همومه و مشاكله . طب لو عييت ؟؟ مش هيسيبك عشان خايف انك تعديه ده مرضه هو اهون عليه من انو يشوفك و انت تعبان . ها عرفت مين هو الملاك و لا لسه؟ الملاك هو امك اللى انت ممكن تكون مبتحسش بوجعها و تشوفها بس و هى بتزعق و تزعل منها لكن و الله دى لو طلعت وجعها كله اللى شفته فى حياتها و هى بتربيك صرختها هتبقى اقوى من اى زلزال او بركان فى العالم. فارجوك خلى بالك من الملاك اللى بيحرسك فى حياتك ده لان حياتك من غيره هتكون جحيم!

Save our religion

History is repeating itself.This can be the only title for the current era which Egypt is living now after the revolution. The political circumstances are being repeated and only religion is our victim .

During the 16th century in England  ,people were suffering from oppression and injustice which had been                                                                         acted by the church institution .kings and their supporters used religion as a power to affect on their subjects.                                                In 1558  ,-Elizabeth I- had reached to the throne .Many people at  that time refused the idea that woman would be their queen besides that she was –as they consider her- a legitimate child. For that reason the apologists for the queen used the religion as a weapon to persuade the people. The priests of the church affect on the public by telling them that Elizabeth was sent by God and that God had appointed her to the throne . And by refusing the queen as a political act this makes you on the other hand disobeying   god's willing and be   a sinner .                                                                                                  These fantasy acts are rebirth again in the 21th century in my beloved country EGYPT, which is living the worst era in it's whole history- in my point of view-.                                                The exploitation of religion to hide the governors  sins nowadays is the new political base.                                                           If we contemplate the English history and take it by consideration we will realize that after this tyranny acts made by the power of the church  ,people left their religion and renounce their beliefs considering that as getting free from all Constraints and bonds .                                                               The same thing is actually happening in Egypt but gradually especially through youth who are the generation of revolution   .                                                                               Finally , I'd like to send our president –Mohamed Morsy- a message . you are not only responsible for people who died o              bullets in Tahrir Square or Portsaid or Suez.....etc. But you are responsible in front of Allah of losing our religion  it's glorify not only in the world but even between it's followers in Egypt. So if you are a real Muslim as you pretend to be, Save our Islam from drowning under our tiny feet YOUR HIGHNESS!

انت متراقب!

عارف فكرة ان فى حد بيرقبك دى مرعبة اوى بس لما تحس ان فى حد بيرقبك بتحاول انك تعمل كل حاجة صح .زمان و انا صغيرة كنت بحب السنيما و بتأثر بكل فيلم بشوفة و دايما كنت بتخيل ان فى كاميرا بتصورنى و ان الناس كلها شافنيى  فلازم اعمل كل حاجة كويسة عشان يبقى شكلى كويس قدامهم و حتى اما كنت بصلى كنت بحاول انى اصلى بخشوع اكتر مش بسرعة عشان ابان قدام الناس اللى هما مش موجدين اصلا و اللى انا اخترعتهم فى خيالى  انى كويسة قدامهم طيب ما على ارض الواقع الفكرة دى حقيقة فعلا ربك مراقبك طول الوقت و انت لازم تبقى كويس قدامة طول الوقت مش عشان هو عايز منك حاجة ده عشان حضرتك بس متروحش فى داهية:Dفتعالى نطبق الفكرة دى كدة على ارض الواقع عشان احنا للاسف بننسى ان احنا متراقبين  بنفتكر عشان مفيش بنى ادم شايفنا يبقى كدة احنا فى ال safeside لا يا فندم حضرتك متراقب من الاعلى و الاعظم , ربك اللى هيحسبك و هيحسب كل الناس اللى انت خايف انهم يشوفك و انت بتعمل حاجة غلط!

يلا نجمع coins !:)

عارف زمان و احنا صغيرين اما مثلا كنا نلعب ماريو او طرزان - اكيد جيل 93 و 94حيفهمونى-كان دايما و انت بتلعب مثلا لو مت بيقى ليك  3 lives عشان تلعب تانى و عشان نجيب score  اعلى من المرة اللى فاتت و نوصل level 2 .

طيب عمرك فكرت كدة لو انت دلوقتى حالا مت ال score بتاعك فى الدنيا حيبقى عامل ازاى ؟ يعنى مثلا اعمالك كدة فى الدنيا شاملة كل حاجة بقى صلاة و صوم ....الخ من كل انواع العبادة ده غير بقى معملاتك اليومية يعنى مثلا طريقنك فى تعاملك مع امك , ابوك كدة يعنى..ها فكر كدة  طيب لو يعنى معلش هتعبك معايا لو ال scorej    بتاعك مخلكش ينفع تروح level جديدة و اللى هى اهم  level, اللى كنا نفسنا نروحها عشان نرتاح و اللى ياما سمعنا عنها  و عن نعيمها لو بقى ال score بتاعك مخلكش تتأهل للمرحلة دى و قا لولك معلش كان فى ايديك انت تتدرب اكتر من كدة على اللعب عشان تتقدر تجمع coins اكتر بس انت بقى اللى كسلت و للاسف المرة دى مفيش lives  هى live  واحدة بس و انت ضيعتها فمعلش  ! game over.انا مش شيخة و لا واعظة عشان انصحك بس حاول تراجع نفسك كل يوم و شوف بتعمل اية و حاول انك تاخد coins  اكتر فى يومك عشلن تخلى ال score  بتاعك يعلى مش بقولك يعنى انك تبقى superior  بس على الاقل متبقاش beginner  !