رسالة شهيد

ايه ده انا فين ؟ هى ليه كل الناس  كده شكلها حلو ؟ و ليه لابسين ابيض فى ابيض ؟ فين ابويا و امى هما ماجوش معايا ليه ؟و هى كل الفاكهة الحلوة اللى انا شايفها دى ينفع اكل منها؟ و ليه الناس كلها بتقولى مبروك ؟ انا مش فاكر حاجة من اللى حصلتلى بس ايه ده ثانية اللبس اللى انا لابسه ده كان نفس اللى انا كنت لابسه مع صحابى الصبح اما كنت نازل الميدان بس هما راحو فين و ليه انا جيت هنا لوحدى و ايه الدم الكتير اللى على لابسى ده ...ايه ده انا افتكرت دول كانوا بيرموا علينا خراطيش فى الميدان و انا اتصبت و اغم عليا ...لا ده انا استشهدت و نلت الجنة اللى كل البشر بيحلموا بيها ياريت كان صحابى و اهلى و كل ابناء وطنى معايا فى المكان الجميل ده بس انا متأكد ان شباب مصر الحر الثورى هيعرف يصلح بلدة كويس و يطرد منها كل خاين قتل من ولادها و حاول يسرقها كل اللى عايزوا منهم ميفكروش فيا و لا فى باقى الشهداء احنا نولنا جايزتنا فى الدنيا و الاخرة خلاص فكروا بس فى الحرية لمصر و انا و الملائكة بندعلكوا يا خير ما تنجب الاوطان J <3 

حتى اراه فى الجنة

حتى اراه فى الجنة:)                                                                           زمان اما كان حد يقولى ان المصيبة بتقوى و مبتضعفش و ان الضربة اللى متموتكش تقويك كنت مبصدقش و كنت اتريق على الناس دى و اقول ازاى يعنى تحصلى مصيبة و اتعامل عادى مع الموضوع وانى افضل أكد لنفسى ان دى حاجة كويسة عشان ربنا عمره ما هيختارلنا الا الاحسن , ممكن ده كان يكون قلة ايمان منى ساعتها و عدم ثقة فى قضاء ربنا اللى بيكون محدده لينا قبل ما نتولد سواء شائنا ام ابينا .بس من سنتين كدة حصلت حاجة كلنا اكيد بنعتبرها كارثة و هى ان حد قريب اوى منك و بتحبه اوى يموت و يروح عالم تانى متعرفوش ! اول اما حصل و عرفت الخبر كنت بعيط و بضحك فى نفس الوقت مكنتش فاهمة الكلمة اصلا مش مركبها *فلانة ماتت* يعنى ايه؟ ايوة مش فاهمة يعنى راحت فين برضة و ازاى هى فوق و احنا بنروح نزورها فى المقابر تحت ! كل ده كان كان بيدور فى بالى بس بعدها قعدت مع نفسى شوية و كنت ساعتها فى تالتة ثانوى محدش اكيد كان بيقولى ذاكرى بس انا قررت مع نفسى انى لازم اذاكر عشان افرح اهلى و اخليهم على الاقل بعد الكارثة دى يفرحوه شوية بدل ما تيقى المصيبة مصيبتين و فعلا ذاكرت و جبت مجموع احسن من السنة اللى قابليها , اللى خالنى اعمل كدة هو تفكيرى بشكل منطقى برغم من وجع الصدمة و طبعا لانى مش هاشوف الشخص ده تانى بس كلنا كنا محتسبنها فى الجنة لانها طفلة و كمان كانت مريضة, ف ليه احنا نعيط عليها و هى اصلا فازت بمكان احسن من اللى احنا فية ده احنا اللى المفروض نعيط عشان مش عارفين اعمالنا هنودينا على فين ؟!                                                          فى الاخرعشان مطولش عليكو قررت انى لازم التزم فى عبادتى و انى ابقى شخص كويس مع اهلى و يكون هدفى فى الحياة مش بس النجاح فى الدراسة لكن كمان انى افوز باالحنة عشان اما اموت اشوف الشخص اللى فقدته فى الدنيا !                                                                                                 فصدقنى المصيبة ممكن تخلى منك شخص احسن مش بس ممكن ده اكيد!:)                                                  

انها الحرية فى مصر يا عزيزى!

مصر مينفعلهاش FACEBOOK او اى موقع تواصل اجتماعى احنا اصلا شعب مبيعرفش يتقبل الرأى و الرأى الاخر ,احنا عندنا الراى الاخر و الراى الاخر على رأى د/با..و لا بلاش لاحسن يطلعلى حد يشتمنى و يكفرنى خلاص شكرا هخلى رأى لنفسى .بس ياريت انت كمان يا فندم تخلى رأيك لنفسك او لو عايز تقوله اقولة بس ياريت تعرف فاعدة مهمة اوى الاول ان اى رأى يحتمل الصواب او الخطا مفيش حاجة اسمها رأى صح 100% وألا بقى يكون كلمنا كله قرأن يؤخذ به .كان فى حد كدة ساعة الثورة قال –ومش هقول اسمة بردة عشان مترميش بالجزم و البلغ:D- ان شعب مصر غير مؤهل للديموقراطية و كنت ساعتها ضدة فى الراى ده بس بعد فترة من الثورة طلع عندة حق احنا مبنسحمش لحد اصلا يقول رأية و لو فاله و حسنا انه هيبفى فيه شى من الصواب بنتسخدم على طول الكارت المعروف بتاع الدين عشان نخوفة و نخليه يخرس خالص .بره فى امريكا و اوروبا مش بيفتخرو بتاريخهم ولا بحضارة لكن بيفتخروا ان عندهم ديموقراطية و حرية رأى و تعبير و يقدروا يقولوا فى وش رئيسهم اللى بتعملة ده غلط و احنا مش موافقين عليه .يس ثانية واحدة كدة هو انا مستغربة ليه ده اذا كان اصلا لما طلع صحفى عشان يقول رايه و يصور اللى بيحصل فى بلده اتحبس..ايه.....اتقتل!! طيب يلا يا جماعة سلامو عليكو ...انا نفسى اعيش !:)

الكائن المتشائم

الى الكائن المتشائم . ححاول انى افك عقدة الكائن المتشائم اللى فينا او اللى ممكن يكون حد نعرفة و نفسنا نعلجة. هتقولى نعلجه من ايه و هو يعنى مريض ؟؟ حقولك اه انا بعتبر التشائم ده مرض ان انسان ميكونش بيشوف اى حاجة كويسة فى حياتة او حتى ان يحاول انو يبتكر اى حاجة تخلية سعيد فده اكيد مريض! معلش ممكن اكون رخمة وانا بحكم عليك بانك مريض بس لما اشوف انسان امه و ابوه عايشين و عايش عيشة مستورة و يكون متشائم بردو و يتحجج من مستقبل البلد فمعلش حضرتك بتتلكك لان احنا احسن من غيرنا كتير اه فى خلافات و نزعات كتير بس احنا مش فى بلد زى فلسطين و سوريا كل يوم بتيتم طفل و طفلة و اسر بتهاجر تحت ضغط من بلدها ! بلاش طيب كل ده بص لسعادتك كدة فى المرايا ها شايف ايه الحمد الله معندكش اى تشوهات بتشوف بتسمع شكلك مقبول!! طيب بيقى اية فكرة انى اخاف من مستقبل و افضل متشائم ،على فكرة نسيت ازود حاجة مهمة بس هو الشخص المتشائم ده مش بس مريض لا ده ضعيف الايمان استنا بس كدة يا كابتن من غير شتيمة ايوه ضعيف الايمان تخيل معايا كدة لو ابوك جه اقلك بص احنا ان شاء الله الصيف ده هاخدوكو رحلة حلوة هل حتفضل بقى كل شوية خايف لاحسن ابوك يفكسلك و يهرب مثلا و لا ان تيجى قنبلة تقع على بيتكوا و لا هتكون قاعد مستنى الاجازة تيجى عشان انت واثق فى ابوك كويس اوي انو بيحبك و عايزك تفرح , طيب وسع الدايرة بقى عن نطاق بابا و المصيف و الاجازه ل اللى اكبر من ده كله ربنا الى خلقك و اللى ححدلك مصيرك اصلا من قبل منتولد لو مكتوبلك تجوز حتجوز تشتغل شغلانة محترمه يبقى حيحصل , يبقى لازم تثق فى ربك لانو بيحبك و اكيد عايزلك الاحسن لانو ببساطة شديدة جدا خلقك و لو كان مش طيقك مثلا كان ليه انت تكون موجود دلوقتى و ليه يديك النعم اللى فكرتك بها فوق دية عشان احنا دايما ننسى و نفتكر ان دى حاجة بناخدها كدة for granted لا انت كان ممكن تكون ببساطة شديده اعمى ، يتيم ،فقير لدرجة الجوع! احنا بس بننسى فضل ربنا علينا ! فيا صديقى المتشائم - ايه جو البرامج الضيق ده:d- من الاخر كدة كل ما تلاقى تفسك متشائم كدة و مسودها على نفسك اقوم اتوضى و صلى و اقرا كتاب ربنا و خاصة سورة يس صدقنى حترتاح اوى:)